“Arsenal”ın baş məşqçisi Mikel Arteta komandanın hücumçusu Viktor Qyokereşin az oyun vaxtı almasına münasibət bildirib.
Sportinfo.az xarici KİV-ə istinadən xəbər verir ki, ispaniyalı mütəxəssis bu vəziyyətin futbolçunun karyerasında müəyyən mərhələ olduğunu deyib:
“Düşünürəm ki, bu, futbolçunun karyerasında və ya mövsüm ərzində keçdiyi müəyyən mərhələdir. Biz ona bacardığımız qədər kömək etməyə çalışırıq”.
28 yaşlı hücumçu bu mövsüm bütün turnirlərdə 7 oyunda meydana çıxıb. Onun “Arsenal”la müqaviləsinin müddəti 2030-cu ilin yayına qədərdir.
“Transfermarkt” portalı isveçli futbolçunun bazar dəyərini 55 milyon avro qiymətləndirir.
“Arsenal” sabah İngiltərə Premyer Liqasının 7-ci turunda səfərdə “Nottingem Forest”lə qarşılaşacaq.
Komanda Çempionlar Liqasının əsas mərhələsinin son turunda, yanvarın 27-də Azərbaycan çempionu “Sabah”ı qəbul edəcək.
.jpg)
.jpg)
