“Yarış bitdi, artıq ümidimiz və deyəcək bir şeyimiz yoxdur. “Bayer”i təbrik edirəm”.
Sportinfo.az xəbər verir ki, bu sözləri “Bavariya”nın baş məşqçisi Tomas Tuhel Bundesliqada Dortmund “Borussiya”sına evdə 0:2 hesabı ilə uduzduğu oyundan sonra deyib.
Təcrübəli çalışdırıcı çempionluq yarışının onlar üçün bitdiyini etiraf edib:
“Bayer” (Leverkuzen) son dəqiqələrdə “Hoffenhaym”dan 3 xal qazandı. Leverkuzen çempionluq uğrunda mübarizə aparır. Artıq bizim edəcək bir şeyimiz yoxdur”.
Xabi Alonsonun komandası ən yaxın rəqibi “Bavariya” ilə xal fərqini 7 həftə qalmış 13-ə çatdırıb.
“Bayer” (Leverkuzen) daha 3 matçda qalib gələrsə, rəqibinin nəticələrindən asılı olmayaraq çempionluğunu elan edəcək.