.jpg)
I Liqada qüvvəsini sınayan MOİK özünə yeni baş məşqçi tapıb.
Müdafiə Nazirliyinin tabeliyində fəaliyyət göstərən klubun rəhbərliyi İlham Yədullayevlə anlaşıb.
O, bu postda Orxan Səfiyarlığını əvəzləyib.
Sonuncu aprel-may aylarında sükan arxasında dayanıb.
Bu müddətdə 8 oyuna çıxan və yalnız 2 qələbə əldə edə bilən gənc mütəxəssisin işi başbilənləri qane etmədiyindən, dəyişikliyə ehtiyac duyublar. Yeni çalışdırıcı ilə 1 illik müqavilə şərtləri razılaşdırılıb.
Yədullayev MOİK-lə yanaşı, U-18 yığmasında tər tökəcək.
Martda 2008-ci il təvəllüdlülərdən ibarət komandanın başına keçən məşqçinin AFFA ilə bağladığı müqavilə 2025-ci ilin sonunadək qüvvədə qalacaq. Federasiya onun milli ilə bərabər, klubda da işləməsinə icazə verib.
SPORTİNFO.AZ
