AFFA-nın Apellyasiya Arbitraj Tribunalı başa çatan mövsümdə Azərbaycan I Liqasında çıxış edən "Qaradağ Lökbatan"ın baş məşqçisi Amit Quluzadə tərəfindən verilən apellyasiya şikayətini təmin etməyib.
Sportinfo.az xəbər verir ki, bu barədə milli assosiasiyanın rəsmi saytı məlumat yayıb.
AFFA İntizam Komitəsinin mayın 21-də verdiyi qərar qüvvədə saxlanılıb.
Amit Quluzadə I Liqanın XXVI turunda "Karvan"la oyun bitdikdən (2:2) sonra hakimləri təhqir etdiyi üçün beş oyunluq cəza alıb.
Yevlaxdakı qarşılaşma “Qaradağ”ın I Liqadan II Liqaya yuvarlanmasını rəsmiləşdirib.
