«Zirə» yeni bazaya köçüb.
Sportinfo.az-ın məlumatına görə, qəsəbə təmsilçisi Qara Qarayev metrosu yaxınlığında yerləşən «Ruslan-93»ü icarəyə götürüb.
Anlaşma ilkin olaraq 2 aylıq nəzərədə tutulub. Sözügedən baza uzun illər «Qarabağ»ın istifadəsində olub. «Zirə»lilər burada qalmaqla yanaşı, gündə 3 dəfə yeməklə təmin edilir.
Komandanın Zirəyə dönməməsinin səbəbi həm yolun uzaqlığı, həm də «Ruslan-93»də qiymətlərin daha münasib olmasıyla əlaqədardır. Planlarda bir dəyişiklik baş verməsə, «qartallar» gələn mövsümə də yeni məkanda hazırlaşacaq.