“Liverpul”un və “Arsenal”ın sabiq vingeri Cermeyn Pennant Londonda it hücumuna məruz qalıb.
Sportinfo.az “The Sun”-a istinadən xəbər verir ki, hadisə keçmiş futbolçunun gəzintisi zamanı baş verib.
Aqressiv alman çoban iti Pennantın “Kinq” adlı amerikan akitasına hücum edib.
Ev heyvanını qorumağa çalışan sabiq futbolçu itlərin davasına müdaxilə edib. Bu zaman hücum edən it onu yerə yıxaraq ayağından dişləyib.
Hadisə zamanı Pennantın iti də hücum edən heyvanı saxlamağa çalışaraq sahibinə kömək edib.
İngiltərəli sabiq futbolçu dərhal xəstəxanaya çatdırılıb. Həkimlər onun dərin yaralarını müalicə edib və 50-dən çox tikiş qoyublar.
Pennant hazırda özünü yaxşı hiss edir və hələlik polisə müraciət etməyi planlaşdırmır.
