Azərbaycanda davam edən U-15 yığma komandaların dünya çempionatı çərçivəsində daha bir məşhur sima ölkəmizə səfər edib.
Sportinfo.az xəbər verir ki, bununla bağlı “CBC Sport” görüntülər yayımlayıb.
Məlumata görə, tanınmış keçmiş hakim, hazırda FIFA Hakimlər Komitəsinin sədri vəzifəsini tutan Pyerluici Kollina çempionatı izləmək üçün ölkəmizdədir.
Ondan öncə FIFA-nın qlobal futbol inkişafı üzrə rəhbəri, “Arsenal”ın sabiq əfsanəvi baş məşqçisi Arsen Venger də çempionatla bağlı ölkəmizə səfər etmişdi.
