Koronavirus pandemiyası üzündən dayandırılan Azərbaycan Premyer Liqasının 2019/20 mövsümündə 20 oyun keçirən “Zirə” ölkə çempionatının yüksək dəstəsində ümumilikdə 140 matça çıxıb.
Sportinfo.az klubun mətbuat xidmətinə istinadən xəbər verir ki, bunlardan ikisinin nəticəsi sonradan ləğv olunub.
Digər 138 qarşılaşmada “qartallar”ı 9 kapitan meydana çıxarıb. “Zirə”nin rekordçuları qapıçılardır. Anar Nəzirov 37, Kamal Bayramov 22 dəfə meydan sarğı ilə çıxıb. Sahə oyunçuları arasında Elvin Məmmədovla Rəşad Abdullayev şərikli liderdir.
