"Zirə" 7 turdan sonra Premyer Liqada ilk qələbəsini qazandı. "Qartallar" doğma meydanda "Keşlə"ni 3:1 hesabıyla üstələdi.
Sportinfo.az-ın məlumatına görə, klubun fəxri prezidenti Orxan Məmmədov bu dəfə də futbolçuları təəccübləndirib. O, 1500 manat mükafat gözləyən oyunçuları 2000 manatla sevindirib.
Məmmədov baş məşqçi dəyişikliyindən sonra kollektivə dəstəyini bir qədər də artırıb. Komanda Zaur Həşimovun rəhbərliyi altında bunadək 2 heç-heçə edib və fəxri prezident hər futbolçuya üst-üstə 1800 manat mükafat verib.