"Zirə"nin futbolçusu Mfo Kqasvane Botsvana yığmasının heyətində növbəti oyununu keçirib.
Sportinfo.az xəbər verir ki, hücumçunun komandası Əlcəzairlə üz-üzə gəlib.
Qaboronedə baş tutan H qrupunun matçının nəticəsini 1 qol həll edib. Belə ki, Yusef Belailinin 15-ci dəqiqədə vurduğu top Əlcəzairə 1:0 hesablı qələbə qazandırıb. Görüşə ehtiyatdan başlayan Kqasvane 58-ci dəqiqədə meydana daxil olub.
Üç gün əvvəl qrupun ilk oyununda Zimbabve ilə qolsuz bərabərə qalan Botsvana hazırda 1 xalla 3-cü sırada yer alır.