"Yaxşı komandaya qarşı oynadıq. Onlar bizi orta xətdə üstələdilər. Bunun səbəblərini bilirik və üzərində çalışacağıq. Komandanın əsas problemi budur".
Sportinfo.az xəbər verir ki, bu fikirləri Premyer Liqanın 10-cu turunun "Sumqayıt"la qarşılaşmasından (2:2) sonra matçdan sonra keçirilən mətbuat konfransında "Zirə"nin baş məşqçisi Zaur Həşimov deyib.
38 yaşlı mütəxəssis görüş ərzində çox asan qollar buraxdıqlarını deyib: "Problemlərimiz müdafiə xəttindədir. Xal qazana bilmişiksə, deməli, bir xala layiqik".