"Qəbələ" - "Zirə" (2:1) yoxlama görüşündən sonra qəsəbə klubunun baş məşqçisi Zaur Həşimov küləkli havanın hər iki komandanın oyununa mane olduğunu deyib. Sportinfo.az "Zirə"nin "facebook" səhifəsinə istinadən xəbər verir ki, o, nəticəni normal qarşılayıb:
"Cəmi iki məşqə çıxmışıq, ilk oyunumuz idi. Heç taktiki məşqimiz də olmayıb ki, istədiklərimizi futbolçulara aşılaya bilək. Ona görə də qeydə alınan hesabı normal qarşılayıram. Bəzi dəyişiklikləri həyata keçirmək üçün vaxta ehtiyacımız var. Daha əvvəl komandada iki zədəli futbolçu var idi, "Qəbələ" ilə Premyer Liqa oyununda daha üç futbolçumuz zədələnib, bu da komandaya öz təsirini göstərir".