Sabah Premyer Liqada ilk dövrəyə yekun vurulacaq. 7 xalla turnir cədvəlinin 5-ci pilləsində qərarlaşan "Zirə" öz meydanında "Qəbələ"ni qəbul edəcək.
Sportinfo.az-ın məlumatına görə, "Zirə" rəhbərliyi oyunqabağı toplantı keçirib. İclasda komandanın ilk 6 həftədəki çıxışı müzakirə olunub, Samir Abasova ciddi iradlar bildirilib.
Baş məşqçinin diqqətinə çatdırılıb ki, qarşısına avrokuboklara vəsiqə vəzifəsi qoyulan kollektivin 3 məğlubiyyətlə üzləşməsi çox pis haldır və bu, uzun müddət davam edə bilməz.
Klubun fəxri prezidenti Orxan Məmmədov xüsusən ötən tur "Keşlə"yə 0:2 hesablı məğlubiyyətin üzərində dayanıb və yaradılan şəraitiə rəğmən, Abasovun ümidləri doğrultmadığını qeyd edib.