.jpg)
"Zirə" sabiq hücumçusu Riçard Qadze ilə danışıq aparıldığını təsdiqləyib.
Klubun baş meneceri Elman Himayətoğlu Sportinfo.az-a açıqlamasında artıq qanalı futbolçu ilə böyük ölçüdə anlaşdıqlarını bildirib:
"Qadze ilə danışıqlar davam edir. Demək olar ki, razılığa gəlmişik. Sadəcə, xırda detallar qalıb. Onları da yoluna qoya bilsək, yaxın 1-2 gündə müqavilə imzalanacaq. Sözləşmənin müddəti ya mövsümün sonuna kimi, ya da 1+1 illik olıacaq".
Qadze 2017-2018-ci illərdə "Zirə"nin formasını geyinib. Afrikalı forvard "qartallar"ın heyətində keçirdiyi 35 qarşılaşmada 10 qol vurub. Son 2 ili Rumıniyada keçirən 25 yaşlı futbolçu "Voluntari"də 28 oyunda 6 dəfə fərqlənib.
