Konfrans Liqasının III təsnifat mərhələsinin ilk görüşü çərçivəsində "Zirə" səfərdə Xorvatiyda "Osiyek" ilə qarşılaşıb.
Sportinfo.az xəbər verir ki, "Opus Arena"da baş tutan matç heç-heçə yekunlaşıb.
Hesabı meydan sahiblərindən 39-cu dəqiqədə Anton Matkoviç açıb. Qarşılaşmanın sonuna əlavə olunan dəqiqələrdə isə Bakı klubu məğlubiyyətdən xilas olub.
Rafael Utziq penaltidən dəqiq zərbə ilə bərabərliyi təmin edib.
Bu komandalar arasında cavab görüşü 1 həftə sonra Bakıdakı "Dalğa Arena"da keçiriləcək.
