“Sabah” Çempionlar Liqasının liqa mərhələsində ev oyunlarını keçirəcəyi Bakı Olimpiya Stadionunda ilk məşqinə çıxıb.
Sportinfo,az xəbər verir ki, paytaxt klubu bu barədə sosial şəbəkə hesabında paylaşım edib.
Klub stadiondakı məşqdən fotolar yayımlayaraq “Möhtəşəm arenada ilk məşqimizdən kadrlar!” sözlərini qeyd edib.
“Sabah” Çempionlar Liqasının liqa mərhələsində ilk ev oyununu oktyabrın 13-də Çexiyanın “Slaviya” komandasına qarşı keçirəcək.
Bakı Olimpiya Stadionunda baş tutacaq qarşılaşma saat 20:45-də başlayacaq.
