Azərbaycanlı baş məşqçidən həyəcan təbili: "Heyəti gücləndirməyimiz vacibdir”

19 Yanvar 2020 10:38 Qəbələ 434
Azərbaycanlı baş məşqçidən həyəcan təbili:

Türkiyənin Antalya şəhərində keçirilən təlim-məşq toplanışı çərçivəsində ikinci yoxlama oyununu keçirən “Qəbələ” Rusiyanın “Çayka” klubuna 3:0 hesabı ilə qalib gəlib.

Sportinfo.az xəbər verir ki, “qırmızı-qaralar”ın çalışdırıcısı Elmar Baxşıyev matç barədə fikirlərini klubun saytına açıqlayıb:

“Türkiyə toplanışı çərçivəsində ikinci yoxlama oyununu keçirdik. Bu görüşlər komanda üçün çox faydalıdır. Çünki baş tutan qarşılaşmalarda bütün futbolçulara şans veririk.

Bu, onların hazırkı durumunu bilmək, həm də oyunçulardan bəzilərini müxtəlif mövqelərdə yoxlamaq imkanı verir. Qış fasiləsində heyəti gücləndirməyimiz vacibdir”.

Baxşıyev toplanış barədə də fikirlərini bölüşüb: “Antalya toplanışının ilk həftəsini arxada qoymuşuq. Bu 7 gün ərzində hər şey qaydasında, məşq prosesi plan üzrə gedir.

Komanda üzvləri məşqlərdə verilən tapşırıqları əzm və istəklə yerinə yetirirlər. Oyunçuların hazırlıq prosesinə belə yanaşması bizi sevindirir”.

Digər Xəbərlər
Xəbər Lenti
26 Yanvar 21:20 Ən çox qazanan 10 KLUB
26 Yanvar 13:20 Bu da "Zirə"dən 10-cu...