Qurban Qurbanov: "Onlardan əlavə nəsə tələb etmək düzgün deyil"

6 Dekabr 2019 21:22 Qarabağ 386
Qurban Qurbanov: "Onlardan əlavə nəsə tələb etmək düzgün deyil"

Azərbaycan Premyer Liqasında XIV turun “Qarabağ” – “Keşlə” (2:2) oyunundan sonra keçirilən mətbuat konfransında meydan sahiblərinin baş məşqçisi Qurban Qurbanov jurnalistlərin suallarını cavablandırıb.

Sportinfo.az xəbər verir ki, o, əvvəlcə görüş barədə fikirlərini bildirib.: "Bir xal qazandıq. Mövsümün ilk yarısını tamamladıq. Qalib gəlsəydik, daha yaxı olardı. Ancaq həmişə hər qazanılan xala böyük dəyər vermişəm. “Keşlə” son oyunları yaxşı səviyyədə keçirir. Düzgün təşkilatlanmış kollektivdir. Onlara uğur arzulayıram. Qarşıda Avropa Liqasında son oyunumuz və 2 kubok matçımız qalıb. Hər birinə yaxşı hazırlaşmalıyıq.

- Komandada fiziki və psixoloji yorğunluq hiss olunur. Bunun üçün xüsusi nəsə fikirləşmisizmi?
- Bəli, bu nüanslar var. Komanda həddən artıq yüklənib. Bir variant var ki, futbolçuların yanında olmalıyıq. Həm mən, həm rəhbərlik, həm də azarkeşlər. Mövsümün ikinci yarısı daha gərgin olacaq. Qarşıdakı görüşlərə maksimum yaxşı hazırlaşmalı və düzgün oyun göstərməliyik. Hər bir halda, futbolçuların yanındayıq. Onlardan əlavə nəsə tələb etmək düzgün deyil. Futbolçularımı yaxşı tanıyıram. Onlar daha artığına layiqdilər və qadirdilər.

- Asmir Beqoviç “Qarabağ”a gəlişindən sonra ilk dəfə nehtiyatda qaldı. Bu, onun gedəcəyinə işarə idi?
- İlin sonunda müqaviləsi başa çatır. Ancaq rəhbərliklə danışıq aparacağıq. Qalmasını istəyirik. Bizdən asılı olanı edəcəyik. İndi dəqiq cavab verə bilmərəm. Özü ilə danışmışıq, qalmaq istəyir. Bakını xoşlayır, komandaya qarşı pozitivdir. Bu məsələ təxminən 1 aya həll olunacaq. Qapıçı ilə bağlı rotasiyalar həmişə etmişik. Düzdü, Asmir gələndən sonra olmamışdı. Hər halda, normal, adi dəyişiklikdi.

- Filip Ozobiçlə bağlı risk etmək istəmədəyiniz görünür. O, ilin son oyunlarında meydana çıxa bilərmi?
- Hazırlığı pis getmir. Son məşqləri komanda ilə tam keçib. Qarşıdakı oyunlarda imkan olsa, oynamasına şərait yaradacağıq ki, kollektivi hiss etsin və qış hazırlığında tam bərpa olunsun. Oynamaq ehtimalı var.

Xəbər Lenti
27 Yanvar 17:45 Gürcülərə uduzdular
27 Yanvar 15:39 Onlar Can hayındadır
26 Yanvar 21:35 34 ilə gələn uğur
26 Yanvar 20:25 "Qoca əclaf" - FOTO