"Şamaxı"nın "Qarabağ"dan İsmayil İbrahimlini heyətinə qatmaqda maraqlı olmasını sizə xəbər vermişdik.
İndi isə futbolçuya bir başqa Premyer Liqa klubu da "elçi düşüb".
Söhbət Rəşad Sadıqovun çalışdırdığı "Zirə"dən gedir.
Gənc mütəxəssis sabiq komanda yoldaşını indi də sərəncamında görmək istəyir.
24 yaşlı yarımmüdafiəçinin yaxın 1-2 gün içində yekun qərarını verəcəyi gözlənilir.
İbrahimli 2018-ci ildən Qurban Qurbanovun rəhbərliyi altında çıxış edir. Onun "Qarabağ"la müqaviləsi bu mövsümün sonuna kimidir.
Tərəflər arasında danışıqlar müsbət başa çatsa, İbrahimli mövsümün sonuna kimi adıçəkilən iki klubdan birinə icarəyə veriləcək.
XANOĞLAN / SPORTİNFO.AZ