.jpg)
“Bizi sabah ağır oyun gözləyir”.
Sportinfo.az xəbər verir ki, bunu “Qarabağ”ın xorvatiyalı futbolçusu Filip Ozobiç deyib.
30 yaşlı yarımmüdafiəçi Konfrans Liqasının qrup mərhələsinin V turunda Kipr klubu “Omoniya” ilə keçiriləcək oyunöncəsi mətbuat konfransına qatılıb.
Milli komandamızın üzvü sabah Tofiq Bəhramov adına Respublika Stadionuna qələbə üçün çıxacaqlarını söyləyib:
“İlk oyunda səfərdə 4:1 hesablı qələbəyə baxmayaraq, “Omoniya” yaxşı komandadır. Güclü oyunçuları var. Sabah yaxşı oyun göstərməyə çalışacağıq”.
Xorvatiyalı pleymeyker növbəti mərhələni təmin etsələr də, indidən pley-off barədə düşünmədiklərini söyləyib:
“Qarşıda hələ iki oyunumuz var. Həmin matçlarda maksimum xal toplamaq istəyirik. Digər oyunlara daha sonra baxacağıq”.
.jpg)