.jpg)
“Deyirdi, ay ana, sən görəcəksən, mənim adım həmişə uca olacaq. Mən Mübariz kimi olacam, onun yolu ilə gedəcəm”.
Sportinfo.az xəbər verir ki, bu sözləri iyulun 16-da Azərbaycan-Ermənistan sərhədinin Tovuz istiqamətində gedən döyüşlərdə şəhid olan 24 yaşlı Nazim İsmayılovun anası Sevda İsmayılova AzTV-yə müsahibəsində danışıb.
Nazimin atası Əfqan İsmayılovun sözlərinə görə, oğlu ordu sıralarına könüllü olaraq getmişdi: “Şəhid olmazdan bir gün qabaq mənə zəng vurub dedi ki, nigaran qalmayın”.
Şəhidin qardaşı İsmayıl İsmayılzadə də hazırda hərbi xidmətdədir.
