.jpg)
İtaliya A Seriyasının son turunda keçirilən "Leççe" - "Bolonya" oyununda (2:3) xoşagəlməz hadisə baş verib.
Sportinfo.az yerli mətbuata istinadən xəbər verir ki, epizodların birində qonaq komandanın yarımmüdafiəçisi Qari Medel rəqib futbolçu ilə mübahisə etməyə başlayıb. Bu vaxt "Bolonya"nın baş məşqçisi Sinişa Mixayloviç meydançaya daxil olaraq, oyunçusuna sərt şəkildə öz iradını bildirib.
Çilili futbolçu da öz növbəsində çalışdırıcısına cavab qaytarıb. Nəticədə baş məşqçi ilə futbolçu arasında mübahisə düşüb. Əvvəlcə bir-birinə qışqıran tərəflər daha sonra əlbəyaxa olublar. Yalnız digər futbolçuların müdaxiləsindən sonra onları sakitləşdirmək mümkün olub.
