I Divizionda danışılmış oyunlarla bağlı aparılan araşdırmalar hələ bitməyib.
Bu haqda AFFA-dan Sportinfo.az-a bildirilib.
Federasiyadan redaksiyamıza daxil olan məlumata görə, nəticəsi şübhə doğuran halların təhqiqatı hüquq-mühafizə orqanlarıyla birlikdə davam etdirilir.
AFFA bugunlərdə 2 futbolçunu danışılmış oyunlarda iştiraka görə ömürlük diskvalifikasiya edib. MOİK-dən Fərmayıl Əliyev və Emin Mehtiyev futbol ilə əlaqədar hər hansı fəaliyyətlə məşğul olmaq hüququndan məhrum edilib.
Bu mövzuda UEFA-dan AFFA-ya bir neçə serkulyar məktub daxil olub.
Göstərilən nümunələri incələyən federasiyanin şübhə dairəsinə daha bir neçə futbolçu, həmçinin məşqçi düşüb. Odur ki, yaxın günlərdə cəzalandırılacaq şəxslərin sayının artması gözlənilir.