Ermənistanın Baş naziri Nikol Paşinyan Rusiyanın hərbi bazasının dövlət ərazisində olmasının heç bir üstünlüyünü görmədiyini bildirib.
Bu barədə “The Wall Street Journal” məlumat yayıb.
“O, əlavə edib ki, Rusiya hərbi bazasının Ermənistanda fəaliyyətinin davam etməsində heç bir üstünlük görmür”, - materialda deyilir.
Ermənistan Baş nazirinin sözlərinə görə, Ermənistan yeni tərəfdaşlar axtarır, çünki Rusiya müttəfiqlik öhdəliklərini yerinə yetirə bilmədi.
O qeyd edib ki, Qarabağda baş verən hadisələr Ermənistanı müdafiə sahəsində yeni tərəfdaşlar axtarmağa vadar edib.
