Sportinfo.az xəbər verir ki, bir neçə gün öncə AFFA prezidenti Rövnəq Abdullayevin səhhətində problem yarandığı barədə məlumat yayılmışdı.
Məlumata əsasən, bu səbəblə AFFA-nın İcraiyyə Komitəsinin yanvarın 11-də Gəncədə keçirilməli olan iclası və futbol akademiyasının açılışı təxirə salınmışdı.
Rövnəq Abdullayevin son durumu ilə maraqlanmaq üçün AFFA-nın mətbuat katibi Elnur Məmmədli ilə əlaqə saxladıq.
Sözçü musavat.com-a açıqlamasında bildirdi ki, Rövnəq Abdullayev hazırda özünü yaxşı hiss edir:
“Soyuqdəymə, qrip idi. Digər insanlar yoluxmasın deyə, iclas və futbol akademiyasının açılışı təxirə salındı. İclas və akademiyanın açılış tarixi dəqiqləşən kimi rəsmi sayt vasitəsilə bu barədə məlumat veriləcək”.
