Yanvarın 6-da polis tərəfindən saxlanılan "Braqa" azarkeşləri sərbəst buraxılıblar.
Sportinfo.az xəbər verir ki, 13 fanat "Vitoriya" ilə heç-heçə (1:1) etdikləri Portuqaliya çempionatının XVI turunun matçından əvvəl rəqib tərəfdarlara hücumda şübhəli bilinmişdi.
Hadisə qarşılaşmanın startından 45 dəqiqə əvvəl baş verib. Hər iki komandanın azarkeşləri bir-birilərini təhqir ediblər. "Braqa" fanatları pirotexniki vasitələr, daşlar və butulkalar atıblar.
"Braqa" Avropa Liqasının pley-off mərhələsində "Qarabağ"la üz-üzə gələcək. Matçlar fevralın 15-də və 22-də keçiriləcək.
