Konfrans Liqasında iştirak edəcək «Neftçi» ilk transfer əməliyyatını yekunlaşdırıb.
Paytaxt klubu Emil Balayevi 8 illik fasilədən sonra geri qaytarıb.
«Ağ-qaralar» keçmiş qapıçısı ilə 2 illik (1+1) müqavilə imzalayıb.
Son mövsümü «Səbail»də keçirən kiper, əslində, «Zirə» ilə təkrar anlaşmışdı. O, 2020-cu ilin ilk yarısını keçirdiyi qəsəbə təmsilçisinə dönməəyə razılaşmışdı.
Fəqət, «Neftçi»nin daha yaxşı maliyyə şərtləri irəli sürməsi millinin üzvünün qərarını dəyişdirməsinə səbəb olub.
Balayev karyerası ərzində bir çox klubun formasını geyinib. Əvvəllər «Neftçi» ilə yanaşı, «Qarabağ»ın da şərəfini qoruyub.
Həmçinin Almaniyada «Ayntraxt»ın (Frankfurt), Qazaxıstanda «Tobol» və «Turan»ın uğurları üçün çalışıb.
SPORTİNFO.AZ
