.jpg)
“Neftçi” ciddi itki ilə üzləşib.
Bu barədə Sportinfo.az-a klubun Mətbuat və Marketinq Departamentinin rəhbəri Rüstəm Allahverdiyev məlumat verib.
“Ağ-qaralar”ın sözçüsü Aqil Məmmədovun müayinədən keçdiyini və dizində şiş aşkarlandığını bildirib.
Təcrübəli qapıçının Azərbaycan Premyer Liqasının 12-ci turu çərçivəsində “Səbail”ə qarşı forma geyinə bilməyəcəyi 100 faiz dəqiqləşib.
Onu U-21-in sabiq qolkiperi Kamran İbrahimov əvəzləyəcək.
Aqilin qış fasiləsinə qədər “Sumqayıt” və “Qəbələ”ylə oyunlarda iştirak edib-etməyəcəyi müalicəsinin axarından asılıdır.
Məmmədov “Sabah”la qarşılaşmanın (1:2) son dəqiqələrində dizindən xəsarət alsa da, əvəzetmə limiti bitdiyindən mübarizəni hakimin final fitinə qədər zədəli halda davam etdirmişdi.
HƏBİB
