"Bu, “Qarabağ”la fərqimizi göstərdi” - ETİRAFDAN ÇƏKİNMƏDİ

9 Mart 12:02 Keşlə 381
"Bu, “Qarabağ”la fərqimizi göstərdi” - ETİRAFDAN ÇƏKİNMƏDİ

Sportinfo.az xəbər verir ki, Premyer Liqanın 20-ci turunda evdə "Qarabağ"a 0:2 hesabı ilə uduzan "Keşlə"nin hücumçusu Aleşandre Kriştavao sualları cavablandırıb.

- İlk hissədə 2 qol epizodumuz oldu. Onlardan birini 100 faiz dəyərləndirmək olardı. Əfsuslar olsun ki, o epizodları qaçırdıq. “Qarabağ”a qarşı çətin oyun keçirdik.

- İkinci hissədə 100 faizli qol epizodun oldu. Fərqlənsəydin, nəticə fərqli olardı?

- Bu epizod “Qarabağ”la fərqimizi göstərdi. Biz fürsətləri qaçırtdıq, “Qarabağ” qol epizodlarını dəyərləndirirdi.

- “Qarabağ” Çempionlar Liqasında oynamış komandadır. Bunu qarşılaşma zamanı hiss etdin?

- “Qarabağ”ın keyfiyyətli komanda olduğunu bilirik. Bunu oyunları ilə nümayiş etdirdilər. Hazırda turnir cədvəlində də liderdir.

- Lorenso Frutos bombardir olsa da, sən gələndən sonra ehtiyatda əyləşir. Belə olacağını düşünürdün?

- Frutos yaxşı hücumçudur. Bu, məşqçinin seçimidir. Onun etimadını doğrultmağa çalışıram.

- Azərbaycan Premyer Liqası barədə düşüncələrin necədir? Qol vurmamağın çempionatın ağır keçməsi ilə əlaqəlidir?

- Hər oyun epizodlar yaranır və bunu qola çevirməyə çalışıram. Təəssüflər olsun ki, qaçırdığım fürsətlər də olur. Öz üzərimdə işləyirəm, səbirli olub, keyfiyyətimi göstərməyə çalışıram.

Digər Xəbərlər
Xəbər Lenti
4 İyul 21:00 Azərbaycana vaxt verdi