“İtaliyada durum çox pisdir. Sevinirəm ki, ailəm və mən hazırda yaxşı durumdayıq”.
Sportinfo.az xəbər verir ki, bu sözləri futbolinfo.az-a açıqlamasında Azərbaycan yığmasının baş məşqçi postuna namizəd Canni de Byazi deyib.
O, İtaliyada koronavirusun dəhşətli olduğunu bildirib: “Digər ölkələrə nisbətdə bizdə çox dəhşətli durumdur. Evdən çıxmırıq. Ümid edirəm ki, bütün ölkələr birləşib bu bəladan qurtulacaqlar. Hər şey yaxşı olacaq”.
Byazi AFFA-dan yığma ilə bağlı heç bir cavab almadığını da sözlərinə əlavə edib: “AFFA-dan bir cavab yoxdur. Koronavirus səbəbindən millinin toplanışının da təxirə salındığını eşitdim. Yəqin ki, təhlükə sovuşandan sonra hər şey qaydasına düşər”.