“Milan” baş məşqçisi Massimiliano Alleqri ilə yollarını rəsmən ayırıb.
Sportinfo.az xəbər verir ki, bu barədə A Seriyası təmsilçisinin mətbuat xidməti rəsmi məlumat yayıb.
Məlumata görə, 58 yaşlı təcrübəli mütəxəssisin istefasına komandanın 2025/2026-cı illər mövsümündə nümayiş etdirdiyi zəif və uğursuz nəticələr səbəb olub.
Belə ki, “rossoneri” İtaliya A Seriyasını 5-ci pillədə başa vurub. Bu nəticə ilə komanda azarkeşlərini məyus edərək gələn mövsüm üçün UEFA Çempionlar Liqasına vəsiqə qazanmaq şansını itirib.
M.Alleqri 2025-ci ilin may ayında “Milan”ın sükanı arxasına gətirilmişdi. Lakin onun komandadakı ikinci dönəmi cəmi bir il çəkib və uğursuzluqla yekunlaşıb.
