“Мilan” rəhbərliyi belçikalı hücumçu Divok Origi ilə əməkdaşlığın vaxtından əvvəl başa çatdırılması barədə razılığa gəlib.
Sportinfo.az xəbər verir ki, bu barədə tanınmış insayder Fabrizio Romano sosial şəbəkədə məlumat yayıb.
30 yaşlı futbolçu “qırmızı-qaralar”ın heyətində 2023-cü ilin yazından bəri meydana çıxmayıb. Tərəflər arasında imzalanmış müqavilənin müddəti 2025/26 mövsümünün sonunadək qüvvədə idi.
Origi 2022-ci ildə “Milan”a transfer olunmuşdu. O, bu müddət ərzində İtaliya təmsilçisinin heyətində 36 oyuna çıxıb, 2 qol vurub və 1 məhsuldar ötürmə verib.
