“Qarabağ”ın Çempionlar Liqasındakı növbəti rəqibi “Napoli” İtaliya A Seriyasının XII turunda “Atalanta”nı qəbul edib.
Sportinfo.az xəbər verir ki, Dieqo Armando Maradona adına stadionda keçirilən görüş Neapol təmsilçisinin inamlı qələbəsi ilə yekunlaşıb - 3:1.
Antonio Kontenin rəhbərlik etdiyi komandanın qollarını David Nereşlə (17,38) Noa Lanq (45) vurub. Berqamolulardan isə Canluka Skamakka (52) fərqlənib.
Bununla da “Napoli” xallarının sayını 25-ə çatdıraraq ilk pilləyə yüksəlib.
“Qarabağ” “Napoli” ilə noyabrın 25-də qarşılaşacaq.
"Napoli" – "Atalanta" 3:1
Qollar: D.Neres, 17, 38, N.Lanq, 45 – C.Skamakka, 52
.jpg)
