“Real”ın baş məşqçisi Joze Mourinyo komandasının Çempionlar Liqasının əsas favoritləri arasında olub-olmadığı ilə bağlı sualı cavablandırıb.
Sportinfo.az xarici KİV-ə istinadən xəbər verir ki, portuqaliyalı mütəxəssis bununla bağlı danışmağın hələ tez olduğunu bildirib:
“Bu barədə danışmaq üçün hələ tezdir. Məqsədimiz pley-offa yüksəlməkdir.
Bundan sonra növbəti hədəfimiz pley-off mərhələsindən yan keçmək olacaq. Əvvəlcə növbəti mərhələyə vəsiqəni təmin edəcək
11-12 xal toplamalıyıq. Daha sonra isə ilk səkkizliyə düşməyimizə imkan verəcək qədər xal qazanmalıyıq”.
“Real” Çempionlar Liqasının liqa mərhələsində iki turdan sonra 6 xalla turnir cədvəlinin 8-ci pilləsində qərarlaşıb.
Madrid təmsilçisinin 3-cü turdakı rəqibi “Leyptsiq”dir. Tərəflər bu gün saat 23:00-da İspaniyada qarşılaşacaqlar.
