“Turan Tovuz” Azərbaycan Premyer Liqasının VIII turunda “İmişli”yə 0:1 hesabı ilə məğlub olub.
Sportinfo.az Peşəkar Futbol Liqasına (PFL) istinadən xəbər verir ki, bu, qərb təmsilçisinin turnirdə 50-ci məğlubiyyəti kimi tarixə düşüb.
Tovuz təmsilçisi 149-cu oyununda 50-yə çatıb. Məğlubiyyətlərdən 25-i evdə, 25-i səfərdə qeydə alınıb. “Turan Tovuz” 50 və daha çox oyunda uduzan 31-ci komandadır.
Komandanın ilk məğlubiyyəti 2022-ci il avqustun 8-də “Qəbələ” ilə ev görüşündə qeydə alınıb – 0:2.
