.jpg)
“Milan” İtaliya kubokunun 1/8 finalında “Cenoa”nı qəbul edib və əlavə vaxtda qalib gəlib – 3:1.
Sportinfo.az xəbər verir ki, “Milan” azarkeşləri “Cenoa”nın baş məşqçisi Andrey Şevçenkonu olduqca xoş qarsalayıb.
Fanatlar onun adını səsləndiriblər və böyük banner açıblar.
Bannerdə belə yazılıb: “Uzun bir sevgi hekayəsi. Mançesterin xatirəsi bizim qəlbimizdədir. Şeva əbədi olaraq əfsanədir!”
2003-cü ildə Mançesterdə keçirilən Çempionlar Liqasının final oyununda “Yuventus”un qapısına həlledici penaltini məhz Şevçenko vurmuşdu.
