"Tottenhem"in yarımmüdafiəçisi Tanqay N'Dombele karyerasını İtaliya A Seriyasında davam etdirə bilər.
Sportinfo.az xəbər verir ki, "Roma" futbolçunun xidmətində maraqlıdır.
Məlumata görə, “Roma”nın baş məşqçisi Joze Mourinyo fransalıya şəxsən zəng edərək, onu "Roma"ya dəvət edib.
"Tottenhem" oyunçunu satmaq istəyir, lakin yarımmüdafiəçinin icarəyə götürülməsi ehtimalı da var. "Roma"dan başqa, N'Dombele ilə "Napoli" də maraqlanır.
Fransız futbolçu "Tottenhem"də 2019-cu ildən çıxış edir. O, "Lion"dan 60 milyon avroya transfer olunub. Onun müqaviləsi 2025-ci ilin yayına qədər qüvvədədir.
