İspaniya La Liqa2-də XXXVII turun mübarizəsi davam edir.
Sportinfo.az xəbər verir ki, Azərbaycan millisinin yarımmüdafiəçisi Eddi İsrafilovun formasını geyindiyi "Albasete" meydana çıxıb.
Adıçəkilən komanda elitaya vəsiqə qazanmağa çalışan "Alkorkon"u qəbul edib. Oyun 1:1 hesabı ilə yekunlaşıb. Start heyətinə meydana daxil olan Eddi 33-cü dəqiqədə sarı vərəqə alıb və fasilədən sonra əvəzlənib.
İlk hissəni hesabda geridə tamamlayan "Albasete" bərabərlik topunu 57-ci dəqiqədə vurub. Bu nəticədən sonra 18-ci pillədəki mövqeyini qoruyan "Albasete" xallarının sayını 44-ə çatdırıb.
