“Real”ın hücumçusu Kilian Mbappe klubun yayda “Liverpul”un müdafiəçisi İbrahima Konateni transfer etmək planından imtina etməsindən narazı qalıb.
Sportinfo.az xəbər verir ki, bu barədə “Defensa Central” məlumat yayıb.
Mbappe Fransa millisindəki komanda yoldaşının mövsümün sonunda “kral klubu”na qoşulması xəbərini məmnuniyyətlə qarşılayardı
. Hətta iddia edilir ki, o, milli toplanışlar zamanı Konate ilə “Real” haqqında tez-tez söhbət edib.
Daha əvvəl İspaniya mətbuatı Madrid klubunun fransalı müdafiəçinin oyununda müşahidə olunan eniş səbəbilə onu yayda azad agent kimi belə, heyətə qatmaqdan imtina etdiyini yazmışdı.
Konate cari mövsümdə bütün turnirlərdə 18 matça çıxıb və 1 qol vurub. Onun komandası “Qarabağ”ın UEFA Çempionlar Liqasındakı rəqiblərindən biridir.

