“Mançester Yunayted”in baş məşqçisi Ruben Amorim komandasının Premyer Liqanın 32-ci turunda “Nyukasl”a məğlubiyyətini (1:4) şərh edib.
Sportinfo.az klubun rəsmi saytına istinadən xəbər verir ki, portuqaliyalı çalışdırıcı həddindən artıq səhvlər etdiklərini bildirib:
“Həddindən artıq səhvlər etdik və onlar bizdən daha yaxşı, daha güclü idilər. İkinci hissənin əvvəlində buraxdığımız ikinci qol bizi həqiqətən yerə yıxdı və sonra oyunboyu səhvlərə yol verdik ki, bu da “Nyukasl”ın qalib gəlməsinə kömək etdi.
Bu, komanda işidir, fərdlərin deyil. Bəzi oyunlarda çoxlu səhvlər edirik ki, bu da rəqibə inam verir, qollar vururlar, sonra hər şeyin öhdəsindən gəlmək çətin olur.
İlk şansımız oldu, qol vura bilmədik, sonra onların şansı oldu, fərqləndilər. Oyuna nəzarəti ələ keçirdilər.
Qol vurduq, amma sonra ikinci hissədə əziyyət çəkdik, komandamız üçün çətin oldu və çoxlu səhvlərə yol verdik”.
“Mançester Yunayted” hazırda 38 xalla Premyer Liqanın turnir cədvəlinin 14-cü pilləsində qərarlaşıb.
