Baş məşqçi Jurgen Klopp “Liverpul”un “Brayton”un futbolçusu Moyses Kaysedonun transferi ilə bağlı razılığa gəldiyini təsdiqləyib.
Sportinfo.az xəbər verir ki, alman mütəxəssis, klubdan ona Kaysedo ilə razılığa gəlindiyini dediklərini bildirib:
“Mənə dedilər ki, klubun Kaysedo ilə bağlı razılığa gəldiyini təsdiqləyə bilərəm. Amma hələ oyunçunu görməmişik.
Kaysedo bu gün yoxlanışdan keçəcək? Deyə bilmərəm”.
Kaysedonun 110 milyon funt-sterlinqə “Liverpul”a keçəcəyi bildirilirdi ki, bu da Premyer Liqa rekordu olacaq.
Kaysedo 2022/23 mövsümündə “Brayton”un heyətində 43 oyuna çıxıb, bir qol vurub və eyni sayda məhsuldar ötürmə edib. Onun “qağayılar”la müqaviləsi 2027-ci ilə qədərdir.
