“Mançester Yunayted”in baş məşqçisi Ralf Ranqnik hazırkı heyətlə bağlı qiymətləndirməni klub rəhbərliyinə təqdim edib.
Sportinfo.az xəbər verir ki, alman mütəxəssis heyətdən 3 nəfərin komandaya yararlı ola bilməyəcəyini deyib.
O, Qarri Maquayr, Aaron Van-Bissaka, Lyuk Şounun MY səviyyəsinə uyğun gəlmədiyini bildirib.
Baş məşqçi klub rəhbərliyindən tələb edib ki, müdafiə xətti təcili olaraq yenilənməlidir. O, rəhbərliyə, “Vilverhemton”un 24 yaşlı müdafiəçisi Maks Kilmana diqqət ayırmağı tövsiyə edib.
“Mançester Yunayted” turnir cədvəlinin 7-ci pilləsində qərarlaşıb.
