Türkiyəli FİFA referisi Cüneyt Çakır AÇ-2020-nin daha bir oyununa təyinat alıb.
Sportinffo.az xəbər verir ki, o, qrup mərhələsinin üçüncü turunun Ukrayna – Avstriya matçını idarə edəcək.
C qrupu çərçivəsində baş tutacaq matçda Çakıra yan xətt hakimləri qismində Bahaddin Duran və Tarık Ongun kömək edəcəklər.
Dördüncü hakim funksiyasını almaniyalı Daniel Zibert yerinə yetirəcək.
İyunun 21-də Buxarestdə keçiriləcək Ukrayna – Avstriya matçına Bakı vaxtı ilə saat 20:00-da start veriləcək.