Slovakiyada təşkil olunan “Fragaria Cup- 2022” turniri davam edir.
Azərbaycanı artıq 2-ci dəfə bu turnirdə təmsil eləyən EFA (European Football Academy) növbəti iki oyununa çıxıb.
U-11 komandamız öncə yerli “Pokrok SEZ Krompaci” ilə üz-üzə gəlib və 5:3 hesabıyla qələbə qazanıb. EFA günün ikinci matçında Macarıstan “Debretsen”i ilə qarşılaşıb.
Həmyerlilərimiz hazırda 6 xalla öz qrupunda 4-cü pillədə qərarlaşıb. EFA bu gün qrup çərçivəsində son 2 görüşdə meydan alacaq.
Ardınca pley-off mərhələsi start götürəcək. Reqlamentə əsasən, hər qrupda ilk iki yeri tutan iştirakçılar yarımfinalda qüvvəsini sınayacaq.
Qrupu 4-5-ci pillədə başa vuranlar isə 5-6-cı yer uğrunda mübarizə aparacaq.
Sayca 20-ci dəfə təşkil olunan beynəlxalq yarışa iyulun 5-də yekun vurulacaq.
SPORTİNFO.AZ