Rusiya Premyer Liqasında 19-cu turun oyunları davam edir. Sportinfo.az xəbər verir ki, azərbaycanlı futbolçular Azər Əliyevlə Turqay Möhbalıyevin formasını geyindiyi “Ufa” səfərdə “Axmat”ın qonağı olub.
Başqırdıstan klubunun 1:0 hesabı ilə qələbə qazandığı görüşdə yeganə qolu məhz Əliyev vurub. 90 dəqiqə meydanda ən yaxşı olan Azər ötən həftədəki kimi, bu dəfə də Premyer Liqanın təşkilat komitəsi tərəfindən matçın ən yaxşı futbolçusu seçilib.
Əsas heyət üzünə həsrət qalan Möhbalıyevin adı isə yenə də oyunun iştirak ərizəsinə daxil edilməyib. “Ufa” 19 turdan sonra 25 xalla 16 kollektiv arasında 7-ci sırada qərarlaşıb.