Azərbaycan Minifutbol Federasiyası (AMF) növbəti mövsüm yenilik edəcək.
Bu haqda Sportinfo.az-a AMF-nin mətbuat xidmətinin rəhbəri Sərxan Abışov məlumat verib.
Onun bildirdiyinə görə, federasiya ölkə çempionatı ilə bağlı islahat aparmağı planlaşdırır. Buna əsasən, birinci dəstə ilə yanaşı, ikinci liqa yaradılacaq:
«Bilirsiz ki, hazırkı çempionatda 17 komanda mübarizə apardı. Yarışa böyük maraq var. Müraciət edənlər çoxdur.
Demək olar hamını tanıyırıq. Hansı komandanın gücü nədir, görmüşük.
Elələri var ki, rəqabət aparmağa çətinlik çəkir, əksər oyunları uduzur. Onları ikinci dəstəyə göndərmək istəyirik.
Əsas çempionatı daha maraqlı və güclü etməyin yeganə yolu budur».
