.jpg)
Konfrans Liqasının II təsnifat mərhələsində "Aris"lə (Yunanıstan) cavab matçında heç-heçə edən "Araz-Naxçıvan" növbəti mərhələyə vəsiqə qazanıb.
Sportinfo.az xəbər verir ki, Saloniki şəhərindəki “Kleantis Vikelidis” stadionunda baş tutan qarşılaşma 2:2 hesablı bərabərliklə yekunlaşıb.
Ev sahiblərinin heyətində Fabiano Leysman (62) və Monçu (90) fərqlənib. Naxçıvan klubundan isə Çarlz Boli (11) və Felipe Santos (38) rəqib qapısının torunu silkələyib.
"Araz-Naxçıvan"ın müdafiəçisi İqor Ribeyro 52-ci dəqiqədə qırmızı vərəqə ilə meydandan uzaqlaşdırılıb. Rəqibin heyətində isə Fabiano Leysman 90+8-ci dəqiqədə ikinci sarı vərəqədən sonra meydandan qovulub.
Bakıda baş tutan ilk görüşdə Naxçıvan klubu 2:1 hesablı qələbəyə sevinmişdi.
Elmar Baxşıyevin komandası Konfrans Liqasının III təsnifat mərhələsində Kipr "Omoniya"sı ilə üz-üzə gələcək.
Bu komandalar arasında ilk görüş avqustun 7-də, saat 20:00-da. “Dalğa Arena”da, cavab matçı isə avqustun 14-də səfərdə keçiriləcək.
.jpg)
.jpg)
