.jpg)
“Araz-Naxçıvan”la “Aris” arasındakı oyunlar gərginliyi ilə yadda qaldı.
Bakıdakı qarşılaşmada futbolçularımıza 7, səfərdəki dueldə 8 sarı və 1 qırmızı vərəqə göstərildi.
İqor Ribeyronun “Omoniya” ilə Bakıdakı matçda iştirak etməyəcəyi dəqiqdir.
Bəziləri elə düşünür ki, hər iki oyunda “sarı” ilə cəzalanan Bəxtiyar Həsənalızadə ilə Ba-Muaka Simakala da növbəti görüşü kənardan izləyəcək.
Ancaq yox.
UEFA-nın yenilənmiş qaydalarına əsasən təsnifat mərhələsində əvvəlki kimi 2 yox, 3 sarı vərəqə alan futbolçular növbəti matçdan məhrum olur.
Odur ki, narahatlığa gərək yoxdur. “Araz-Naxçıvan” “Omoniya”nın önünə İqor Ribeyro xaric, tam heyətlə çıxacaq.
Komandalar arasındakı ilk oyun avqustun 7-də “Liv Bona Dea Arena”da keçiriləcək və saat 20:00-da başlayacaq.
Cavab qarşılaşması avqustun 14-də səfərdə gerçəkləşəcək.
HƏBİB / SPORTİNFO.AZ
.jpg)
.jpg)
