“Araz-Naxçıvan”da ilk ayrılıq reallaşıb.
Bölgə təmsilçisinin ən ödənişli futbolçusu İsmail Azzaui Azərbaycanı birdəfəlik tərk edib.
Klub onunla başa çatan müqaviləni yeniləməyib.
Vaxtilə Almaniya Bundesliqasında çıxış etmiş yarımmüdafiəçiyə böyük ümidlər bəslənsə də, o, Naxçıvan təmsilçisinə lazım olan faydanı vermədi.
Azərbaycanda illik 200 min dollar qazanan belçikalı futbolçu başa çatan mövsümdə “Araz-Naxçıvan”ın heyətində meydana çıxdığı 30 oyunda 2 qol və 2 məhsuldar ötürmə ilə yadda qalıb.
HƏBİB / SPORTİNFO.AZ
