.jpg)
Qarışıq döyüş növləri (MMA) üzrə Avropa çempionu Səid Məmmədzadə növbəti dəfə hakim qarşısına çıxarılıb.
Sportinfo.az xəbər verir ki, Xətai rayon Məhkəməsinin hökmü ilə Səid Məmmədzadə 3 il 6 ay müddətinə azadlıqdan məhrum edilib.
İttihama görə, Məmmədzadə Cinayət Məcəlləsinin 221.3 (silah və ya silah qismində əşyadan istifadə olunmaqla xuliqanlıq) maddəsilə təqsirli bilinib.
Məmmədzadə avtoyuma məntəqəsində Rüfət Məcidov adlı şəxslə mübahisə edib, ona bıçaqla xəsarət yetirib.
Hökmdən öncə son sözünü deyən Səid ittihamın saxta olduğunu, ona böhtan atıldığını bildirib. Sözlərinə görə, zərərçəkmiş qismində tanınan şəxsə nəinki bıçaqla xəsarət yetirməyib, ümumiyyətlə, ona əli dəyməyib.
.png)
